قُولّك وحشتيني
بقولّك وحشتيني
وحشني حنانك
وحشنى جنانك
وحشنى زهرك وبستانك
وانتي كمان وحشتيني
وحشتني عيونك الحلوة
وانتي كمان وحشتيني
وحشني ليلك السارح
وحشني غرامك الطارح
وحشني السحر والمنظر
وانتي كمان أكتر
وحشني خَدّك الناعم
وحشني ثغرك الباسم
وانتى كمان وحشتيني
وحشتينى ياقلب حنون
بَـ احبّك أنا بكل جنون
فلو تحبّينى بـَ اكون ممنون
أنا الهايم بيكي بقالي زمان
وانا الحالم علي رمشك
أكون نعسان
وأنا الظامئ
وانا العطشان
و انا الناسج حروف إسمك علي ضلوعي
وانا السابح مع الطوفان
وانا العايش
وانا الناقش هنا صورتك
علي الجدران
وانا القلب المَلاَن
أحزان
وانا الشارب من الحرمان
وانا الكاتب إسمي مع النسيان
أنا الحاسب نفسى من الأغراب
وحاسب لنفسي حساب وحساب
ولاكنت ف يوم كدّاب
أنا البائس هنا وحدى
وانا الإنسان
بلا إنسان
وأنا بيكي بَـ اكون مهزوم
أنا أصلي كمان محروم
من الحرمان
مين كان ف الغرام زيّك
ومين كان
ضَيُّه من ضَيّك
ومين كتب هنا إسمك
ومين رسم كمان رسمك
ومين كتب كمان عنوان
ومين رسملك هنا نظرة عين
ومين زرع هنا فدادين
جناين حب بقالها سنين
ومي خضَّر في قلبي الشوق
ومين كان رفعنى لفوق
أنا من بعدك بَـ اموت م الوحدة
ولا أسكت ولا أهدا
أنا بعدك بـَ اموت من الخوف
وانا ف بُعدك البرد كاوينى
وليل الظلم قاتلنى
وعازلني
كمان الويل يغازلني
فاكرة قناديلك
وانا بـَ اناديلك
وانتى بسحرك ع الوجود طالّه
ولاَّ الخلايق بيكي بتتسلاَّ
وتتخلّا
فاكرة لما كنت فرحان أنا بيكي
وورودي
مع جُودي
بترويكي
و تحييكي
فاكرة لما الهوي ف يوم عاندك
وكان رافض يبات عَنْدك
واناعمري ماكنت يوم ضدك
فاكرة كتاباتي فيكي
وقصايدك
ولا كان ف الوجود قدّك
فليه يكون عِندك
ويكون في الغرام زُهدك
وليه يكون فى الخصام رَدّك
للشاعر
محمد صادق
Aucun commentaire:
Enregistrer un commentaire
Bonjour, je serais trais reconnaissant de votre collaboration du suivie pour notre site L'art de Poésie , et je souhaite de s'abonner à notre chaîne YouTube de partager nos vidéos avec vos collègues et amis + j'aime notre continuité c'est de faire un visionnage de plus d'un million de vue ... Alors aider nous d'être populaire .